Jóhanna Lúxuspía

ný síða

Fri, 18 Aug 2006 14:30:08 GMT

Ég er að vinna í því að færa mig um svæði Nýja síðan mín verður www.truflun.net/johanna En sú síða er enn í vinnslu, ég kann ekkert á hana. En hún verður pottþétt fín...

útlönd

Tue, 15 Aug 2006 19:22:01 GMT

Ég er komin til landsins aftur. Ferðin var mjög skemmtileg, ég nenni eignlega ekki að skrifa ferðasögu, áhugasamir geta kíkt á síðuna hans Óla, hann kemur að öllum líkindum með góða lýsingu innan skamms:D Hann er líka búinn að bjóða mér blogg á öðru svæði þannig að ég flyt að öllum líkindum bráðum... jíbbí 8)

En svona til að segja eitthvað frá þá heimsóttum við nokkrar H&M verslanir í Svíþjóð, skoðuðum mörg söfn t.d. Vasa safnið, Skansen, Þjóðminjasafnið í Stokkhólmi og fórum í tívolí. Vorum með sjóriðu í viku af því að gista á báti í káetum þar sem ekki var hægt að hreyfa sig nema í samráði við aðra í herberginu.

Á Gotlandi röltum við mikið um. Vorum í búningum og sáum mjög mikið af fólki í búningum. Það var mikill stemming í því að fara á skemmtistað þar sem það var miðalda dress kód og það var leitað á manni eftir vopnum áður en að maður fór inn. Inni var svo miðaldahljómsveit að spila fyrir alla uppábúnu gestina.

Gistiaðstaðan var aðeins betri en ég var í miðkoju (koja á þrem hæðum) og það þurfti lagni til að komast úr henni og í.

Við héldum nokkur partý á veröndinni og sungum íslensk lög og að sjálfsögðu fundum við íslendinga. Stráka sem hafa verið búsettir í Svíþjóð meirihlutann af ævinni.

Ferðin heim var löng. Við lögðum af stað um nótt frá Gotlandi og eftir þriggja tíma ferju og tvær rútuferðir komumst við í flugstöðina. Fluginu okkar var seinkað og átti að fara klukkan 18.00.

Meiri upplýsingar fengum við ekki. Iceland Express var ekki að gera sig hvað varðaði upplýsingar. Allir fengu mismunandi upplýsingar, meira segja þegar hringt var til Íslands og beðið um upplýsingar frá skrifstofunni.

Við fundum okkur gistingu á flugvellinum en þurftum alltaf að vera að rölta yfir í annan hluta flugstöðvarinnar til að reyna að fá upplýsingar. Þær létu á sér standa.

Svo rétt fyrir hálf sex kom einhver á hlaupum og sagði að við þyrftum að hlaupa og tékka inn því að flugið ætti að fara klukkan sex.

Við hlupum og tékkuðum okkur inn en svo var engin vél og engar upplýsingar. Það kom svo ekki vel fyrr en seint og síðar meir, held að við höfum verið komin í loftið rúmlega níu!!!!

Ekki góð þjónusta þetta!

Eftir allt þetta ferðalag var samt mjög gott að komast heim.

Og nú ætla ég að drífa mig að fá mér að borða...

svanga-Jóhanna

töskuvandræði!

Thu, 03 Aug 2006 10:37:04 GMT

Undanfarna daga er ég búin að vera í vinnunni. Ef ég er ekki á flugvellinum er ég í Smáralind! Jibbý.. Ef að ég væri að vinna á morgun, væri ég búin að vinna samfleytt í tvær vikur....
En ég er ekki að fara að vinna af því að ég er að fara til útlanda 8)
En af því að ég er ég þá er ég að sjálfsögðu sein með allt. Reyndar búin að þvo held ég allt sem ég þarf en þar með er afrekaskrá mín búin.
Svo á ég aðeins eftir með verkefnið fyrir ferðina, en það er líka á lokastígi...
Helsti höfuðverkurinn minn núna er hvaða tösku á ég að hafa með mér, bakpokann minn góða sem kom sem kom að góðum notum í S-Ameríku og nú seinast fyrir Helgu Jónu í Ítalíu eða á ég að vera lúxuspía og hafa með mér flugfreyjutösku. Kostirnir við báðar eru nokkrir en það sem er svona aðeins að ýta mér út í flugfreyjutöskuna er að ég nenni ekki að hafa hina á bakinu. Er það leti í mér?
Einhverjar hugmyndir?

Ég má eiginlega ekki vera að eyða þessum litla tíma sem ég á eftir í að blogga (týpískt samt að maður geri það) svo að ég óska mér bara góðrar ferðar:D

klipping

Thu, 27 Jul 2006 00:40:33 GMT

Andrea frænka ákvað í gær að það væri komin tími til að hún og Perla vinkona hennar færu í klippingu. Þær ákváðu að því tilefni að klippa sig sjálfar. Útkoman varð ekki mjög glæsileg (veit ekki með Perlu en Andrea var ekki mjög fín). Held að hún sé með tvo lokka eftir af síddinni, hinir eru misstuttir. Smart...

Þetta er mynd af mér að klappa krumma við galdrasýninguna á Hólmavík;)

ég veit, ég er pæja...

(ekki jafn mikil pæja og Sara samt, sem afrekaði það að setjast í krummaskít!)

Klósett

Sun, 23 Jul 2006 14:40:43 GMT

Næst þegar þið leggið leið ykkar í flugstöðina og þurfið á klósettið, munið þá að til að sturta niður þarf maður að toga stöngina fast að sér...

Þetta virðist vefjast rosalega fyrir fólki og mér finnst að ég ætti að vera á prósentu frá flugstöðinni við að sturta niður eftir fólk.

skemmtilegt!

Ég hef líka dundað mér við að taka eftir að þegar konur eru hérna við borðið hjá mér þá snyrta þær í kringum sig, jafna bunka og gera fínt (ef það er hægt að gera fínna hjá mér;) ) en karlar virðast ekki taka eftir þessu og þó að þeir ýti í allt og allir bæklingar í einni bendu þá sjá ekkert athugavert við það.

Konur snyrtilegri en karlmenn?

Maður spyr sig

pælara-Jóhanna

(pæli kannski með páli, ha, ha)

ljótar myndir

Fri, 21 Jul 2006 21:49:37 GMT

http://fromisraeltolebanon.info/

Kíkið á þetta.

Svona á meðan ég man:

ekki borða hamborgara á Hyrnunni á Borganesi, þeir eru ÓGEÐ!!!:klikk:

meiri ferðalög

Fri, 21 Jul 2006 15:37:51 GMT

Jæja, nú er annað ferðalag búið og ég búin að afreka það að fara á 6 söfn á viku. Geri aðrir betur J

Ég fór í Bjarnafjörð með mömmu, Söru og Elsu og lækkaði meðalaldur ferðafélaga umtalsvert.

Á leiðinni þangað stoppuðum við á Galdrasýninguni á Hólmavík, hún var flott en ég bjóst samt við einhverju meiru. Á sýningunni keypti ég mér bol með Ægishjálmi og annan handa mínum heittelskaða (á maður ekki alltaf að koma með gjör úr ferðalögum?).

Eftir ferðina á safnið fórum við að húsinu sem við gistum í. Það var stórt og flott timburhús sem leit út eins og það ætti heima í sögu eftir Astrid Lindgren. Það sem var merkilegast við það var að húsráðendur höfðu flutt það af austfjörðum, tekið það í sundur þar og sett það svo aftur saman þarna. Það eru ekki margir sem hefðu nennt því. Mér fannst það líka fyndið þegar ég komst að því að heimasætan á bænum sem við vorum á er hún Hrönn sem er líka í þjóðfræði. Lítill heimur!

Þar sem að það var komið kvöld þegar við komum þá var lítið annað gert þann daginn. Eldaður góður matur og drukkið svolítið vín en svo voru allir orðnir þreyttir og ákváðu að fara að sofa.

Daginn eftir var þoka og við vorum vissar um að hún myndi fara um hádegi en vorum að sjálfsögðu ekki það heppnar. Við fórum rúnt þarna um, sáum endalausan rekavið þarna í fjörunni, algjör sóun á við þarna!

Við hættum okkur á einhvern svaka veg sem er á leið til Djúpuvíkur (ef að einhver er einhverju nær) þar voru fullt af vörubílum að þjappa veginn og mikið af gráhærðum mönnum á rauðum pallbílum, við sáum reyndar ekki hvort að þeir voru einhver mannsefni. Mamma kvartaði mikið yfir að hún vildi ekki keyra í svona drullu en hún hafði víst ekkert val því að það var ekki hægt að snúa við.

Eftir hrakningarnar þar fórum við aftur tilbaka í Bjarnafjörð og fórum í Kot kuklarans þar. Það var mjög flott, þetta er gert eins og gamalt kot, fyrst föttuðum við ekki alveg safnið en eftir að það kom til okkar maður og kveikti upp eld (kotið fylltist mjög fljótt af reyk) og við sátum þarna inni í smá stund þá byrjaði maður að upplifa stemminguna meira. Þarna voru galdratákn allsstaðar og ég sá eitt sem ég ætla að setja heima en það er til varnar því að einhver steli af manni J

Eftir heimsókninna fórum við í sund í náttúrulegri sundlaug ( og ég fékk að sjálfsögðu bit).

Svo borðuðum við þriggja rétta máltíð hjá frakka sem sér um hótelið á þessum slóðum. Nokkuð góður matur hjá honum.

Um kvöldið var svo drukkið enn meira heldur en kvöldinu áður og mikið spjallað og vakað frameftir.

Á bakaleiðinni í gær stoppuðum við í Reykhólum og fórum á Hlunnindasafnið þar. Fyndið hvað er komið mikið af söfnum út um allt.

Við komum svo heim í gærkvöldi (ég fór til Kef. Þar sem ég er að vinna alla helgina) og fengum okkur ís.

Þetta var gott ferðalag og ég þakka ferðalöngunum skemmtilega ferð. Ég held reyndar að þær lesi ekki bloggið mitt en skiptir ekki máli.

Næsta ferð er svo örugglega ekki fyrr en Svíþjóð en það er líka alltaf gaman að bæta fleiri stöðum á Íslandi á “done” listann J

En þá meiri ferðalanga-Jóhanna

ferðalög

Mon, 17 Jul 2006 21:35:47 GMT

Þá er ferðalagahelgin mikla liðinn...

Hún var bara skemmtileg þó að við fengjum ekki jafn mikla sól og ég hafði búist við...

Við enduðum sem sagt á Akureyri í 2 nætur. Á leiðinni þangað stoppuðum við á Heimilisiðnaðarsafninu á Blönduósi hjá Ingibjörgu. Hún sagði okkur frá útihátíð sem átti að vera á Blönduósi um helgina en spáin var ekki alveg nógu heillandi.

Samt var rok á Akureyri, alveg hífandi en þar sem Hlynur er hörkutjaldari þá kom það ekki að sök. Það eina sem ég saknaði var að geta ekki setið úti á kvöldin og fengið mér bjór. Til þess var einfaldlega of kallt!

Á laugardaginn gerðumst við túristar. Fyrst heimsóttum við jólalandið, það er alltaf gaman að komast í smá jólafíling svona í júlí. Það var líka nálægt tjaldsvæðinu en við ákváðum eftir smá umhugsun að tjalda þar sem við tjölduðum eitt sinn um verslunarmannahelgi þar sem að það svæði bauð upp á klósettaðstöðu innandyra.

Á eftir jólalandinu fórum við í Laufás. Þar kom kunnáttan úr þjóðlífinu sér vel J .

Svo komu fossarnir, Goðafoss og Dettifoss, öðru eins roki hef ég nú mjög sjaldan lent í, ég var farin að hafa áhyggjur um að gleraugun myndu fjúka af mér en það gerðist sem betur fer ekki. Við kíktum líka aðeins á jarðböðin við Mývatn, þau litu kósý út.

Við enduðum svo í Ásbyrgi, röltum þar um og fengum okkur að borða í sjoppunni. Maturinn þar var vægast sagt vondur. Allar sjoppur við vegina eru eins, það er vond lykt þar inni, húsgögnin eru gömul og slitin og maturinn ekki góður. Eins og það væri ekki hægt að gera þær huggulegar?

Maður spyr sig!!

En það var mjög gaman í útilegunni, ég hefði alveg verið til í að vera lengur… En ég er nú að fara í smá ferð núna sem mamma mín kallaði kellingaferð. Við ætlum að skoða galdrasafnið á ströndum. Ég trúi ekki að þar verði ég fyrir vonbrigðum!

ferðalanga-Jóhanna

matargat

Wed, 12 Jul 2006 06:47:45 GMT

Ég hef sjaldan borðað jafn svakalega og ég gerði í gær. Við fórum á Ruby Thusday og átum þar til að við gátum nánast ekki staðið upp!

En það var svo gott 8)

Við fórum reyndar fyrst í tívolíið og skemmtum okkur vel. Tryggvi hennar Söru fær tilnefninguna tívolígestur ársins fyrir að vera mjög svo aktívur í tækjunum. Hann fór meira að segja með okkur í bollana og skemmti sér vel...

Ég var nú ekkert ofsalega dugleg að fara í tæki, afrekaði það að fara í bollana og klessubílanna, þá var ég búin með kvótann. En Hlynur, Sara og Helga afrekuðu meira og Hlynur og Helga fóru meira að segja í kúluna. Hugrökk;)

Ég reyndar hafði það fyrir afsökun að ég er búin að fara í svona kúlu, þetta er bara eitthvað sem maður gerir einu sinni á ævinni. Einhver sammála eða er þetta slæm afsökun hjá mér?

Það liggur við að ég sé ennþá södd eftir át gærdagsins!

Svo á morgun ætlum við Hlynur að leggja land undir fót og fara í útilegu, held að það verði gaman, við ætlum bara að athuga hvar besta veðrið verður og elta það.

Þetta verður þá fyrsta "alvöru" útilegan mín í mörg ár, það er að segja sem gengur ekki út á það að vera drukkin allan tímann:haha:

Við sjáum hvernig gengur

flakkara-Jóhanna

söguhetjur læra aldrei af mistökunum

Sun, 09 Jul 2006 00:45:17 GMT

ég er auli....

ég veit að það verður aldrei þannig að ég skrepp aðeins út um helgar, fer snemma heim og vakna fersk daginn eftir. Samt næ ég alltaf að telja mér trú um að nákvæmlega núna sé dagurinn sem það muni breytast.

Eins og í gær, ég kíkti til Kristínar sem var hjá Telmu. Þar fékk ég í hendurnar mjög áfengt kaffi og þar með var ég komin í ruglið.

Kvöldið var mjög skemmtilegt verð ég nú bara að segja, tjútt hjá Telmu við "reif í" diska og svo bjórflæði niður í bæ.

Ég settist í bjór og sullaði á mig, en það getur ekki talist neitt nýtt:$

Ég virðist bara gleyma þeirri staðreynd í hita leiksins að ég er að fara að vinna daginn eftir, ég er samt búin að vera óvenju hress í dag en get ekki neitað því að mér langar í eitthvað sveitt og óhollt.

Kemur í ljós hvort að ég læt það eftir mér...

Jóhanna

sem lærir greinilega ekki af reynslunni!

kökuskrímsli!

Thu, 06 Jul 2006 06:47:44 GMT

Í gær átti ég fermingarafmæli, mjög gaman!! Í gær átti Tryggi Jökull strákurinn hennar Söru líka 3 ára afmæli og bauð okkur þess vegna í afmælisveislu, það var bara nokkuð gott partý og mikið étið. Við Stefanína reiknuðum það út að við og Davíð hefðum örugglega borðað svipað og aðrir afmælisgestir samanlagt!!

En maður fer nú ekki á hverjum degi í kökuboð þannig að það er um að gera að nýta tækifærið;)

Ég er meira að segja að spá í að kíkja í óboðna afganga heimsókn á eftir:D

Eftir afmælið ákváðum ég og minn heittelskaði að fara í kvöldgöngu á Þingvöllum. Þó að það hafi verið þoka og úði þá var það samt mjög gaman. Ég hef ekki farið á Þingvelli í 6 ár þannig að það má segja að það hafi verið komin tími til...

Patti var reyndar ekki sammála mér um það að þetta hafi verið gaman, honum fannst víst of blautt og grjótugt!

Ég dag þarf ég víst að taka eitthvað til heima hjá mér þar sem ég er búin að lána íbúðina mína norskum brúðkaupsgestum yfir helgina. Það er víst ekki hægt að bjóða upp á skít og drullu er það? Ok, það er kannski ekki skítur og drulla, en ég vil nú samt skipta um rúmföt og sópa aðeins:S

Þau undur og stórmerki munu líka gerast í dag að ég fer í fyrsta skipti á ævinni í vax (fyrir utan á augabrúnum), óskið mér góðs gengis8|

hugrakka-Jóhanna

brumm,brumm

Tue, 04 Jul 2006 00:14:37 GMT

Fiskibollur í brúnni sósu og kartöflur er málið!!

Ég skil ekki ferðamenn sem koma til Íslands og eru ekki búnir að plana neitt í sambandi við dvölina, ekki einu sinni gistingu fyrir nóttina... Þurfti að senda einn frá mér núna til Reykjavíkur, ég fann enga gistingu fyrir hann og hann vissi ekki hvað hann ætti að sér að gera. Greyjið:(

Annars er einn vinnudagur eftir af fimm, þetta fer að verða ágætt í bili.

Ég fór í fyrsta skiptið með Flybusnum suður í dag, það tók einn og hálfan tíma. Ekki það skemmtilegasta! Núna er ég að athuga hvort að það sé ekki til bílaleigubíll sem bráðvantar far á morgun. Það hlýtur að vera, ég er svoddan ómissandi félagskapur fyrir bíla8)

Gat að sjálfsögðu ekki sofið í morgun fyrir helv... byggingarkörlum, hef ekkert á móti þeim persónulega en þoli ekki græjurnar þeirra!!!

Græjuhatar-Jóhanna

Nýjasti viðkomustaður Íslands!

Fri, 30 Jun 2006 14:59:46 GMT

Í gær fórum við mamma og Anna Rán á Reykholt að skoða gróðurhús og heimsækja Guju frænku, það var bara nokkuð fín ferð, við fórum framhjá afleggjaranum sem við áttum að fara á og tókum upp í bílinn þýska stelpu sem talaði íslensku.

Mig langar að fara í lengra ferðalag en bara einn dag, en ég veit ekki alveg hvenær það mun gerast, örugglega ekki fyrr en að ég á sumarfrí í alvörunni, en vinn ekki bara í sumarfríum, þá væri ég til í að fara í sumarbústað fyrir austan8)

Ég fékk útborgað í morgun en þurfti svo að borga rúmlega helmingin í reikninga og ekki er allt búið enn! Núna er ég að reyna að þrasa við Orkuveituna af því að ég er víst bún að borga of mikið í marga mánuði og mér finnst að það eigi að gefa mér inneign, er ekki viss um að það sé einhver sammála mér en ég reyni eins og ég get!!

Verð að skjóta hérna inn setningu sem mér finnst mjög fyndin (þetta er úr Mogganum):

"...tilliti til flugvallarins og Bláa lónsins, sem eru þó tveir langbest sóttu viðkomustaðir ferðamanna á Íslandi..."

Hægt að nota í auglýsingu, að flugvöllurinn sé mikið notaður af ferðamönnum!!

Kemur á óvart!

Afborgana-Jóhanna

svipaðar skoðanir

Tue, 27 Jun 2006 21:26:16 GMT

Hvern kaust þú?
Vinstri græna
65%
Sjálfstæðisflokkinn
18%
Framsókn
6%
Samfylkinguna
12%
Frjálslynda
0%

Fiskur í raspi

Tue, 27 Jun 2006 21:17:46 GMT

Steiktur fiskur með raspi og remúlaði er góður, bara svona fyrir þau ykkar sem ekki vitið það nú þegar:lol: Einu sinni var hann alltaf borðaður með hrásalati en nú hefur hollustan tekið völdin og "alvöru" salat tekið við, það inniheldur meira að segja spínat svo að maður geti nú orðið sterkur8)

Hefði viljað fara í göngutúr en er að sjálfsögðu að vinna. Í byrjun næsta mánaðar verð ég líka búin að vinna upp það frí sem ég tek þegar ég fer út. Ekki slæmt það...

Svona til að útskýra nafn seinustu færslu þá keypti hún móðir mín Heman handa honum Hlyni og við vorum að glápa á það.

Þetta var alveg þessi gamli góði og það var bara nokkuð skemmtilegt... Nú væri ég bara til í að sjá The Raggy Dolls og Lífið í nýju ljósi og þá myndi ég deyja hamingjusöm...

...segji svona en það þarf ekki mikið meira :)

Til hamingju samkynhneigðir með daginn

Fiski-Jóhanna